Saib Dros Dro
Saib Dros Dro
Fel cymuned ddawns, rydyn ni wedi arfer mynegi'r anfynegadwy. Ond, heddiw, rhaid i eiriau gario pwysau ein hamgylchiadau, wrth i ni archwilio dyfodol newydd.
Bydd saib dros dro yn holl waith allgymorth Impelo yn ogystal â chau'r Ganolfan Ddawns gan ddechrau ym mis Ebrill 2024. Mae'r penderfyniad hwn yn deillio o'r ffaith bod cyllid aml-flwyddyn wedi'i golli'n ddiweddar ac mae costau byw cynyddol yn cynyddu'r penderfyniad hwn.
Rydym yn cydnabod yr effaith emosiynol ddwys y mae’r penderfyniadau hynod anodd hyn yn eu cael – o’r darpar ddawnswyr ifanc i’r teuluoedd sy’n cael llawenydd yn ein dosbarthiadau, o’r ysgolion sy’n trawsnewid eu neuaddau yn stiwdios i’r artistiaid ffrilans a’r staff sydd yng ngwythiennau’n gwaith. Gyda’n gilydd byddwn yn gweithio tuag at ddyfodol gyda gwydnwch a chreadigrwydd, gan adeiladu ar ein hymrwymiad i chi, ein cymuned a’n cred yng ngrym trawsnewidiol dawns.
Rydym yn benderfynol nid yn unig o oroesi’r storm hon ond hefyd i ddod allan ohoni gyda chryfder a gweledigaeth newydd, gyda’n gilydd ym mis Medi 2024.
Mae camau cyntaf uniongyrchol ein taith yn edrych fel hyn:
1. Bydd y Ganolfan Ddawns yn cau ei ddrysau diwedd Mawrth 2024.
2. Bydd saib yn ein prosiectau, rhaglenni, gweithrediadau a dosbarthiadau rhwng Ebrill a Medi 2024.
3. Cefnogi dawnswyr ffrilans i barhau â dosbarthiadau Impelo lle bo modd, gan drosglwyddo ein dosbarthiadau mewnol i sesiynau dan arweiniad ffrilans mewn amryw o leoliadau.
4. Datblygu llinynnau newydd o waith o fewn y celfyddydau ac iechyd, llesiant creadigol a meithrin dawns a dawnswyr ym Mhowys trwy gefnogi artistiaid. Parhau i gefnogi ysgolion ac awdurdodau lleol i gyflwyno dawns.
5. Codi arian a sicrhau ein cynaliadwyedd ariannol yn y dyfodol.
Nid diwedd yw’r saib hwn ond toriad strategol.
Gyda buddsoddiad cyllid Pontio Cyngor Celfyddydau Cymru a'ch cefnogaeth anhygoel, rydym yn asesu ein hopsiynau.
Mae’r cyfnod hwn o fyfyrio yn gynfas gwag llwyr, sy’n ein galluogi i dorchi ein llewys a bod yn greadigol, archwilio cydweithrediadau newydd, ffurfio partneriaethau, ac ail-ddychmygu’r ffyrdd y gall ein gwaith barhau i drawsnewid bywydau.
